ለፖለቲካ ፓርቲዎች፣ ለጥምረቶች እና ለግል ተወዳዳሪዎች ድጋፍ

የኢትዮጵያ ብሔራዊ ምርጫ ቦርድ በግንቦት 7፣ 1997 ለሕዝብ ተወካዮች ምክር ቤት በሚደረገዉ ምርጫ ለሚወዳደሩ የፖለቲካ ፓርቲዎች፣ ጥምረቶችና የግል ተወዳዳሪዎች ድጋፍ ያደርጋል፡፡

ፖለቲካ ፓርቲዎች፣ ጥምረቶች

የኢትዮጵያ ብሔራዊ ምርጫ ቦርድ የምርጫ ቅስቀሳን በተመለከተ ፖለቲካ ፓርቲዎች ወይም ጥምረቶች በዕቃና በአገልግሎት የተመደበላቸውን የብር መጠን የሚጠቀሙበት ቀመር አዘጋጅቷል፡፡ ዕቃዎቹና አገልግሎቶቹ የተገዙት በኢትዮጵያ ብሔራዊ ምርጫ ቦርድ በፖለቲካ ፓርቲዎች ወይም ጥምረቶች ስም ነዉ፡፡ ቀመሩ ለፖለቲካ ፓርቲዎች ወይም ጥምረቶች መጋቢት 9 ቀን፣ 1997 ዓ.ም. ቀን ተነግሯል፡፡

የብር መጠን በተወዳዳሪ፤የፖለቲካ ፓርቲ ወይም ጥምረት በተወዳዳሪ 3460 ብር ተመድቦለታል፡፡ የፖለቲካ ፓርቲ ወይም ጥምረት (75 ተወዳዳሪዎች ካሉት) በጠቅላላዉ 259500 ብር ሊቀበሉ ይችላሉ፡፡

ከአንድ በላይ ክልል ወስጥ ለሚወዳደሩ የፖለቲካ ፓርቲዎች ወይም ጥምረቶች ተጨማሪ ድጋፍ፤ እያንዳንዱ ከአንድ በላይ ክልል ዉስጥ የሚወዳደር የፖለቲካ ፓርቲ ወይም ጥምረት (በእያንዳንዱ ክልል ውስጥ ከአንድ በላይ ተወዳዳሪ ያለው) በእያንዳንዱ በሚወዳደርበት ክልል የተመደበለትን 43250 ብር ይቀበላል፡፡

ሴት ተወዳዳሪዎችን ለሚያቀርብ የፖለቲካ ፓርቲ ወይም ጥምረት ተጨማሪ ድጋፍ፤ እያንዳንዱ ሴት ተወዳዳሪ የሚያቀርብ የፖለቲካ ፓርቲ ወይም ጥምረት በእያንዳንዱ የሴት ተወዳዳሪ የተመደበለትን 2160 ብር ይቀበላል፡፡

ማንኛዉም የተመደበለትን ብር ያልተጠቀመ የፖለቲካ ፓርቲ ወይም ጥምረት ከጧቱ 3፡00 ሰዓት እስከ ቀኑ 7፡00 ሰዓት በ09 429932 መደወል ይኖርበታል፡፡

የግል ተወዳዳሪዎች

እያንዳንዱ የግል ተወዳዳሪ የተመደበለትን 3460 ብር የሚደርስ የህትመት ስራ ከሶስት ማተሚያ ቤቶች በብሔራዊ የምርጫ ቦርድ በተወሰነው በአንዱ ይከናወናል፡፡

የተመደበላቸውን ገንዘብ ለመጠቀም የሚፈልጉ የግል ተወዳዳሪዎች ከሰኞ እስከ አርብ ከጧቱ 3፡00 ሰዓት እስከ ቀኑ 7፡00 ሰዓት ድረስ በብሔራዊ ምርጫ ቦርድ በሕንፃ ሐ፣ ቢሮ ቁጥር 9   ተገኝተው መጠየቅ አለባቸው፡፡

እስከ ሚያዝያ 21፣ 1997 ከቀኑ 7፡00 ሰዓት ድረስ የተመደበለትን ገንዘብ የማይጠቀም ማንኛውም የፖለቲካ ፓርቲ፣ ጥምረት ወይም የግል ተወዳዳሪ ዕድሉን ያጣል፡፡

ለፖለቲካ ፓረቲዎች፣ ለጥምረቶች እና ለሁሉም የግል ተወዳዳሪዎች የተመደበው የገንዘብ መጠን እንደሚከተለው ነው፤